我嘅做法係用百分比，唔係計幾多錢。比如我定咗：每跌 5% 就入一注，或者每個月固定拎人工嘅一成出嚟買。咁樣無論個市點郁，我都有個紀律跟，唔會俾情緒牽住走。

好多人心心念念等「最低點」先入，但老實講，邊個知幾時最低？我試過等足半年，結果越等越貴，最後追番上去仲蝕底。所以與其估，不如定個規矩機械式咁執行。

另外提醒大家，分注唔等於可以亂買。先諗清楚買咩——ETF 定單股？定好嗰樣嘢先，再慢慢分注入，先至叫穩陣。