講到股息，香港人先要記住：美股股息美國會扣 30% 預扣稅（withholding tax），袋落袋定 DRIP 都一樣被扣，所以呢點唔影響你揀邊個。

我自己長線係用 DRIP 多。點解？因為你唔使諗幾時買、唔使俾碎股費，自動幫你複利滾大。幾十年下來，呢啲自動再投資嘅股數好驚人。

不過 DRIP 有個缺點：你冇現金傍身，市跌嗰陣冇子彈溝平。所以我建議：年輕、唔使靠息使嘅，用 DRIP；退休緊要現金流嘅，袋落袋。視乎你人生階段。