反彈同反轉最大分別：反彈係跌完之後彈一彈，動力弱、唔穿之前高位就會再落；反轉係趨勢掉頭，新高不斷、成交配合。呢輪金價破頂，背後係美債實質利率跌、美元弱、仲有地緣風險（中東、伊朗）。我覺得今次唔係純反彈，係多重因素堆出嚟——央行增持、ETF 流入、散戶驚通脹。但短線衝太快，隨時有獲利回吐。當你見到「升咗唔肯回、每次回調都有人接」，就似反轉；一彈就縮、成交縮，就係反彈。我自己當住一部分，但唔追高。